विराटनगर । सशस्त्र प्रहरीले सुनसरीको बराहक्षेत्र नगरपालिकाबाट डेढ क्विन्टलभन्दा बढी गाँजा बरामद गरेको छ ।
मंगलबार राति १ः३० बजे बराहक्षेत्र-१ स्थित सप्तोकोशी नदीको किनारबाट एक सय ६३ किलो ८४५ ग्राम गाँजा बरामद भएको हो ।
पाँच–६ जनाको समूहले डुंगाबाट गाँजा निकालिरहेको देखेपछि सशस्त्र प्रहरी त्यहाँ पुगेको थियो ।
सशस्त्र प्रहरी बल नेपाल सुरक्षा बेस चतराबाट सह प्रहरी निरीक्षक बिगबहादुर गोलेको कमाण्डमा खटिएको ६ जनाको गस्ती टोलीलाई देखेपछि उनीहरू गाँजा छाडेर डुंगा लिई फरार भएका हुन् ।
उक्त गाँजा नियन्त्रणमा लिई थप अनुसन्धान तथा कारबाहीका लागि इलाका प्रहरी कार्यालय महेन्द्रनगर चक्रघट्टीमा बुझाइएको छ ।
सशस्त्र प्रहरीले फागुन १ गतेदेखि हालसम्म एक एम्बुलेन्ससहित ५६४ किलो गाँजा बरामद गरेको शस्त्र प्रहरी बलका सह–प्रवक्ता शैलेन्द्र थापाले बताए ।
