विराटनगर । घरेलु मैदान इमिरेट्स स्टेडियममा ब्रेन्टफर्डलाई हराउँदै आर्सनल इंग्लिस प्रिमियर लिगको शीर्ष स्थानमा उक्लिएको छ ।
शनिबार राति ब्रेन्टफर्डलाई २–१ ले पराजित गर्दै आर्सनल शीर्ष स्थानमा उक्लन सफल भएको हो ।
आर्सनलको जितमा डेकलन राइस र काई हाभेर्ट्जले १–१ गोल गरे । ब्रेन्टफर्डका योआन विस्साले १ गोल फर्काए ।
खेलको १९औं मिनेटमा राइसले गोल गर्दै आर्सनललाई सुरुआती अग्रता दिलाएका थिए ।
विस्साले पहिलो हाफको इन्ज्युरी समयमा गोल गरेपछि ब्रेन्टफर्ड बराबरीमा फर्कियो ।
तर, ८६औं मिनेटमा हाभेर्ट्जले गोल गर्दै आर्सनललाई २-१ गोलको जित दिलाए ।
यो जितसँगै आर्सनलको २८ खेलमा ६४ अंक भएको छ । लिभरपुल र म्यानचेस्टर सिटी समान २७ खेलमा क्रमशः ६३ र ६२ अंक छ ।
यसैबीच प्रिमियर लिगमा आइबार राति लिभरपुल र म्यानचेस्टर सिटी भिड्दै छन् । उक्त खेल जित्ने टोली पुनः शीर्ष स्थानमा उक्लिनेछ ।
