विराटनगर । कोसी प्रदेशमा सभामुखको टुंगो लगाउन चुनाव गर्ने निर्णय भएको छ ।
कार्यव्यवस्था परामर्श समितिको बैठकले सभामुख चयनको प्रक्रियामा लैजाने निर्णय गरेको हो ।
प्रदेशसभाको आज बस्ने बैठकमा अपरान्ह ३ बजे सभामुख चयन गर्ने तय भएको हो ।
उपसभामुख सिर्जना दनुवारले ११ बजे कार्यसूची प्रकासन गर्ने जानकारी दिइन ।
सर्वसम्मत रूपमा सभामुख चयन गर्ने विषयमा निर्णय गर्न दलहरू छलफल गरिरहेका छन् ।
कोशी प्रदेशसभाले पद रिक्त भएको पाँच महिनापछि नयाँ सभामुख चयनको प्रक्रिया अगाडि बढाउने तयारी गरेको हो ।
कोसी प्रदेशसभा सचिवालयमा प्रमुख दलहरूको संसदीय दलको बैठक चलिरहेको छ ।
नेपाली कांग्रेस र एमाले संसदीय दलको बैठक जारी छ ।
राप्रपा संसदीय दलको बैठकले भने सभामुख आफूले लिने निर्णय गरिसकेको छ ।
प्रमुख विपक्षी नेपाल कम्युनिष्ट पार्टी (एमाले) दलको बैठक जारी छ ।
