झापा । नेपाली काङ्ग्रेसका नेता कृष्णप्रसाद सिटौला राष्ट्रियसभा निर्वाचनका लागि उम्मेदवारका रूपमा सिफारिस भएका छन् ।
काङ्ग्रेस झापाले राष्ट्रियसभा सदस्य बनाउनका लागि सिटौलालाई सिफारिस गर्ने सर्वसम्मत रूपमा निर्णय गरेको हो ।
सिटौला पूर्वउपप्रधानमन्त्रीसमेत हुन् । उनले संविधान निर्माण, शान्ति प्रक्रियामा नेतृत्वदायी भूमिका खेलेका थिए ।
सिटौला झापाको भद्रपुर नगरपालिका तथा क्षेत्र नं. ३ को स्थायी बासिन्दा हुन् ।
उनले नेपालको शान्ति प्रक्रियामा सरकारी वार्ता टोलीको संयोजक संविधान मस्यौदा समितिको सभापति भएर काम गरेका थिए ।
सिटौलालाई पार्टीको तर्फबाट उम्मेदवार बनाउन काङ्ग्रेस झापाको विस्तारित बैठक बसेको थियो ।
माघ ११ गते हुने राष्ट्रियसभा निर्वाचनका लागि मिति तय भएको छ ।
