त्रिभुवन अन्तर्राष्ट्रिय विमानस्थलबाट दुई केजी तीन सय ३२ ग्राम सुनसहित पाँच जना पक्राउ परेका छन् ।
हिमाल एयरको विमानको शौचालयमा लुकाएर सुन तस्करी गर्न खोजेको पाइएपछि तीन जना कर्मचारीसहित पाँच जना पक्राउ परेका हुन् ।
विमानस्थल प्रहरी प्रमुख प्रहरी वरिष्ठ उपरीक्षक (एसएसपी) भीमप्रसाद ढकालका अनुसार पक्राउ पर्नेमा हिमालय एयरको विमान सफाइ गर्ने कर्मचारी सुमन तामाङ, भीम अवाले र सुपरभाइजर ताराकान्त चौधरी छन् ।
तीनै जना विमान सफा गर्ने सुनगाभा कम्पनीका कर्मचारी हुन् ।
बिहीबार दुबईबाट काठमाडौँ आएको हिमाल एयरको विमानको शौचालयमा लुकाइएको सुन पास गराउन खोजेको र चेकजाँचका क्रममा पाँच जना पक्राउ परेका हुन् ।
उनले बरामद सुनसहित पाँच जनालाई आवश्यक अनुसन्धान एवम् कारबाहीका लागि त्रिभुवन विमानस्थल भन्सार कार्यालय गौचरमा बुझाएको जानकारी दिए ।
