एफए कपको फाइनलमा चेल्सी र लिभरपुल भिड्ने भएका छन् ।
आइतबार राति भएको दोस्रो सेमिफाइनलमा क्रिस्टल प्यालेसलाई २-० गोल अन्तरले हराउँदै चेल्सी उपाधि नजिक पुगेको हो ।
त्यसअघि शनिबार राति भएको पहिलो सेमिफाइनलमा म्यानचेस्टर सिटीलाई ३-२ गोलले हराउँदै उपाधिनजिक पुगिसकेको छ ।
गए राति वेम्बली स्टेडियममा चेल्सीलाई जित दिलाउन रुबेन लोफ्ट्स चिक र मेसन माउन्टले एक एक गोल गरे ।
पहिलो हाफमा गोल रहित बराबरी खेलेको चेल्सीले दोस्रो हाफमा दुई गोल गर्न सफल भएको हो ।
खेलको ६५ औँ मिनेटमा रुबेनले गोल गर्दै चेल्सीलाई सुरुआती अग्रता दिलाएका थिए ।
त्यसपछि ७६ औँ मिनेटमा माउन्टले गोल गर्दै चेल्सीलाई २–० को जित दिलाए ।
अब, १४ मेमा चेल्सी र लिभरपुलले वेम्बली स्टेडियममा उपाधिका लागि प्रतिस्पर्धा गर्ने छन् ।
