विराटनगर । अमेरिका र साउदी अरेबियाबिच आणविक ऊर्जा सम्झौता भएको भएको छ।
अमेरिकाले साउदीलाई नागरिक प्रयोजनका लागि आणविक ऊर्जा कार्यक्रम विकास गर्न अनुमति दिने ऐतिहासिक सम्झौतामा हस्ताक्षर भएको हो ।
साउदीको आणविक ऊर्जा कार्यक्रममा अमेरिकी कम्पनीहरूलाई व्यापक पहुँच उपलब्ध गराउने छ।
संवर्धित युरेनियम विद्युत् उत्पादन गर्ने आणविक केन्द्रका लागि इन्धनका रूपमा प्रयोग गर्न सकिन्छ भने यही सामग्रीबाट आणविक बम पनि बनाउन सकिन्छ।
साउदी सरकारले विज्ञप्ति जारी गर्दै यो सम्झौताले ऊर्जा क्षेत्रमा दुई देशबीचको विद्यमान सहकार्यलाई अझ विस्तार गर्ने जनाएको छ।
यो घोषणा अमेरिका र इरानबीच तनाव चुलिँदै गएको समयमा आएको हो।
अमेरिकाको लामो समयदेखिको सहयोगी साउदी अरेबियामा अमेरिकी सेनाका धेरै सैन्य अड्डा छन्, जसलाई इरानले निशाना बनाउँदै आएको छ।
साथै, इरान समर्थित यमनका हुथी विद्रोहीहरूले साउदीविरुद्ध ‘समुद्री नाकाबन्दी’ घोषणा गरेको दुई दिनपछि यो सम्झौता सार्वजनिक भएको हो।
