विराटनगर । अमेरिकी राष्ट्रपति डोनाल्ड ट्रम्पले रूस र चीनलाई इरानलाई हतियार बिक्री नगर्न चेतावनी दिएका छन्।
उनले त्यस्तो कदम दुवै देशको हितमा नहुने बताएका छन्।ट्रम्पले चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनबाट इरानलाई हतियार बिक्री नगर्ने आश्वासन पाएको दाबी गर्दै त्यसप्रति आफू विश्वस्त रहेको उल्लेख गरेका छन्।
उनले इरानसँग सम्बन्धित विषयमा रूस र चीन संलग्न नरहेको विश्वास व्यक्त गर्दै, यदि हतियार बिक्री गरे त्यसको परिणाम उनीहरूकै हितविपरीत हुने चेतावनी दिएका छन्।
