नेपाली चलचित्र ‘हेल्लो जिन्दगी’को ट्रेलर सार्वजनिक गरिएको छ । एभरेस्ट सूर्य बोहराको निर्देशनमा बनेको चलचित्रको ट्रेलर आइतबार (आज) सार्वजनिक भएको हो ।
चलचित्रमा प्रियंका कार्की, विक्रम डी जोशी, विक्रान्त बस्नेत, विल्सन विक्रम राई, दीपिका प्रसाईंलगायतका कलाकारको अभिनय रहेको छ ।
चलचित्रको कथा विक्रान्तको वरिपरि घुमेको छ ।
प्रियंकाको विक्रान्तप्रतिको एकोहोरो प्रेम, विक्रान्त र दीपिकाको दोहोरो प्रेम र यसले निम्त्याउने कथामा चलचित्र बनेको ट्रेलरबाट बुझ्न सकिन्छ।
एभरेष्ट सूर्य बोहराको लेखन तथा निर्देशन रहेको चलचित्रका सिर्जना जोशी महर्जन कार्यकारी निर्माता हुन् ।
हीरा जोशी र विक्रम डी जोशी यो चलचित्रका निर्माता हुन् ।
चलचित्रमा पुरुषोत्तम प्रधानको छायांकन, विष्णु देवाको कोरियोग्राफी, सम्राट बस्नेतको एक्सन, सूर्य बोहरा र अभिमन्यू निरबीको पटकथा तथा संवाद छ ।
चलचित्रको कथा निर्देशक बोहरा विक्रम डी जोशीले लेखेका हुन् । चलचित्र आगामी चैत ११ गतेदेखि देशैभर प्रदर्शन हुने छ ।
दर्शकले लामो समयपछि अभिनेत्री प्रियंका कार्कीलाई चलचित्रमा देख्न पाउनेछन् । यस्तै चलचित्र ‘छक्कापञ्जा ३’ पछि दीपिकाको यो नयाँ चलचित्र हो ।
यो पनि :
