नेपाल प्रहरीको साइबर ब्युरोले चर्चित प्र्याङ्कस्टर आकाश सेढाइँलाई पक्राउ गरेको छ ।
बुधबार विज्ञप्ति जारी गर्दै ब्युरोले प्राङ्कको नाममा सार्वजनिक स्थलमा नागरिकलाई सास्ती र हैरानी दिएको अभियोगमा सेढाइँलाई पक्राउ गरिएको जनाएको हो ।
झापा विर्तामोड-४, आदर्शटोल स्थायी ठेगाना भई हाल भक्तपुर जिल्ला कौशलटार बस्ने २७ वर्षीय आकाश सेढाइँलाई पक्राउ गरिएको एसएसपी नविन्द अर्यालले बताए ।
उनका अनुसार पक्राउ परेका उनीमाथि एसएसपी अर्यालका अनुसार जिल्ला अदालत, काठमाडौंबाट विद्युतीय अपराध ऐन, २०६३ अनुसार सेढाइँविरुद्ध सात दिन म्याद थप गरेर विस्तृत अनुसन्धान हुनेछ ।
झापा विर्तामोडका सेढाइँले ८ वर्षअघिदेखि प्राङ्क भिडियो बनाउँदै आएका थिए ।
उनी नेपालका सबैभन्दा पुरानो प्राङ्कस्टरमध्येमा पर्छन् ।
उनले युट्युब च्यानलमा पछिल्लो पटक तीन साताअघि एउटा प्राङ्क भिडियो अपलोड भएको देखिन्छ ।
गृह मन्त्रालयले १३ माघ २०७८ मा सार्वजनिक स्थलमा प्राङ्क भिडियो बनाउन नपाइने भन्दै विज्ञप्ति जारी गरेको थियो ।
मन्त्रालयका प्रवक्ता फणिन्द्रमणि पोखरेलले जारी गरेको विज्ञप्तिमा ‘सार्वजनिक स्थलमा हुने भद्दा किसिमका ख्यालठट्टाबाट शिकार भएका व्यक्तिमा देखिन सक्ने मानसिक तनाव, उत्पन्न हुनसक्ने वादविवाद र द्वन्द्व, सामाजिक सद्भाव र शान्ति सुरक्षामा पर्नसक्ने असरलाई मध्यनजर गर्दै प्राङ्क भिडियो नबनाउन’ चेतावनी दिएको थियो ।
भ्यालेन्टाइन डे स्पेसल : अन्तरजातीय बिहे गरेका जीवन र लक्ष्मीको सङ्घर्ष
