नेपाल टेलिकमले सोमबारदेखि लागू हुने गरी ‘विन्टर अफर २०७८’ ल्याएको छ ।
कम्पनीले उपलब्ध गराइरहेको ‘सजिलो अनलिमिटेड प्रिपेड डाटा’ अफरमा थप प्याकेजसहित सो अफर उपलब्ध गराएकाे हाे ।
नेपाल टेलिकमको अफर अन्तर्गत पहिले २८ दिनका लागि ५ सय ९९ रुपैयाँमा लिन सकिने ‘सजिलो अनलिमिटेड प्रिपेड ५९९’ मात्र उपलब्ध भइरहेकोमा अब ‘सजिलो अनलिमिटेड प्रिपेड ७९९’, ‘सजिलो अनलिमिटेड प्रिपेड ९९९’ र ‘सजिलो अनलिमिटेड प्रिपेड १४९९’ प्याक समेत उपलब्ध हुने भएको छ ।
यो सेवामा अनलिमिटेड भ्वाइस कल र निश्चित डाटा (प्रतिदिन क्रमशः १ जीबी, २ जीबी र ४ जीबी) लगायका सेवाहरु उपलब्ध त गराइएको छ नै सँगै केही विशेषता समेत थप गरिएकाे छ ।
अब खरिद गरिएका यी डाटा प्याक सकिए अतिरिक्त शुल्कबिना नै इन्टरनेट चलाउन सकिने सुविधा नेपाल टेलिकमले थप गरेकाे छ।
ग्राहकले *१४१५# डायल गरी अफर खरिद गरी प्रयाेग गर्न सक्नेछन् ।
