विश्वकै सबैभन्दा कमजोर सूचीमा नेपालको राहदानी परेको छ ।
विश्वव्यापी नागरिकता तथा आवास परामर्शदाता कम्पनी हेन्ली एण्ड पाटनर्स (बेलायत) द्वारा बुधबार सार्वजनिक गरिएको सूचीअनुसार नेपालको राहदानी विश्वका खराब १० राष्ट्रमा परेको छ ।
सन् २०२२ मा अन्तर्राष्ट्रिय हवाई संघ (आइएटिए) को तथ्याङ्कको आधारमा १११ वटा मुलुकमध्ये जापान र सिङ्गापुरको राहदानी सबैभन्दा शक्तिशाली भएको जनाइएको छ ।
१९२ मुलुकमा जापान र सिंगापुरका राहदानीबाहकले अनअराइभल भिसा पाउँछन् भने जर्मनी र दक्षिण कोरियाका राहदानी बाहकले १९० मुलुकमा सहजै आवतजावत गर्न पाउँछन् ।
सार्वजनिक भएको उक्त सूचीमा अमेरिका, बेलायत, इटाली, स्पेन, पोर्चुगल र स्वीजरल्यान्ड १० शक्तिशाली राहदानीमा परेका छन् ।
संसारकै कमजोर राहदानी अफगानिस्तानको रहेको सो सूचीमा उल्लेख गरिएको छ । उक्त देशका राहदानी बाहकले विश्वका २६ देशमा मात्र अनअराइभल भिसा पाउँछन् । त्यसैगरी नेपाल र प्यालेस्टिनी क्षेत्रका मुलुकका राहदानी बाहकले विश्वका ३७, इराक २८, सिरिया २९, पाकिस्तान ३१, यमन ३३, सोमालीया ३४ मुलुकमा अनअराइभल भिसा पाउँछन् ।
सन् २००६ देखि निरन्तर हेन्ली एण्ड पार्टनर्स कम्पनीले विश्वका शक्तिशाली राहदानीको सूची सार्वजनिक गर्दै आएको छ ।
