विराटनगर । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिमस्टेक)को पहिलो गृहमन्त्रीस्तरीय बैठकमा नेपालका गृहमन्त्री सुधन गुरुङले आज सम्बोधन गर्ने भएका छन्।
भारतका गृहमन्त्री अमित शाहको अध्यक्षतामा हुने बैठकमा नेपालसहित सात सदस्य राष्ट्रका प्रतिनिधिहरू सहभागी हुनेछन्।
गृह मन्त्रालयका अनुसार गृहमन्त्री गुरुङले जलवायु परिवर्तनका कारण हिमाली क्षेत्रमा बढ्दो प्राकृतिक विपद्को जोखिम न्यूनीकरण र पूर्वसूचना प्रणाली सुदृढीकरणका विषय उठाउनेछन्।
साथै, साइबर अपराध, लागुऔषधको अवैध ओसारपसार, मानव बेचबिखन तथा सम्पत्ति शुद्धीकरण नियन्त्रणका लागि क्षेत्रीय सहकार्य र साझा रणनीतिमा जोड दिने बताइएको छ।
