विराटनगर। नेपाली कांग्रेसको सहमहामन्त्री (पिछडिएको क्षेत्र) मा जीवनबहादुर शाही निर्वाचित भएका छन्।
निर्वाचन पोर्टलमा उल्लेखित मतपरिणामअनुसार शाहीले ३ हजार ९०६ मत प्राप्त गर्दै चार प्रतिस्पर्धीलाई पराजित गरेका हुन्।
उनका निकटतम प्रतिस्पर्धी जनकराज गिरीले १ हजार ३७० मत प्राप्त गरेका छन्। अन्य प्रतिस्पर्धीमा नारायणप्रसाद भट्टराई, राजन कुँवर र रामबहादुर विष्ट रहेका छन्।
कर्णाली प्रदेशसभामा कांग्रेस संसदीय दलका नेतासमेत रहेका शाही १४औँ महाधिवेशनमा बद्रीप्रसाद पाण्डेसँग पराजित भएका थिए।
दोस्रो प्रयासमा उनी सहमहामन्त्री बन्न सफल भएका हुन्।
