नेपाली कांग्रेसको १५औँ महाधिवेशनमा सहमहामन्त्री (महिला) पदको मतगणनामा प्रतिमा गौतमले आफ्नो अग्रता थप बलियो बनाएकी छन्।
पछिल्लो मतपरिणामअनुसार गौतमले ३ हजार ४१४ मत प्राप्त गरेकी छन्। यो कुल मतको ७३ प्रतिशत हो।
उनलाई पछ्याइरहेकी नानु मैया बास्तोलाले भने १ हजार ३० मत प्राप्त गरेकी छन्। उनको मत प्रतिशत २२ रहेको छ।
हालसम्मको परिणाममा गौतम र बास्तोलाबीच २ हजार ३८४ मतको अन्तर देखिएको छ। कांग्रेस केन्द्रीय कार्यसमितिको सहमहामन्त्री महिला पदका लागि जारी मतगणनाको अन्तिम परिणाम भने आउन बाँकी छ।
