काठमाडाैं । काठमाडौं जिल्ला अदालत दशैं बिदाको अवधिमा पनि खुला रहने भएको छ।
अदालतले आज सूचना जारी गर्दै असोज २५ गतेदेखि कात्तिक ८ गतेसम्म बिदा भए पनि केही दिनबाहेक अन्य दिन सेवा प्रवाह गर्ने जनाएको हो।
अदालतका अनुसार घटस्थापना, शनिबार, फूलपाती र विजयादशमीको टीकाको दिनबाहेक अन्य दिन बिहान ११ बजेदेखि दिउँसो ३ बजेसम्म अदालत खुला रहनेछ।
दशैं बिदाको समयमा अदालतबाट बन्दीप्रत्यक्षीकरणको निवेदन दर्ता गर्ने, जरुरी पक्राउ पुर्जी समर्थन गर्ने तथा सोही क्रममा उपस्थित अभियुक्तको म्याद थप गर्नेलगायतका सेवा उपलब्ध हुनेछन्।
