विराटनगर- नेपाली कांग्रेसका नेता विश्वप्रकाश शर्माले सभापतिका उम्मेदवार गगन थापाको नाम जोडेर वितरण गरिएका प्यानल सूची भ्रामक रहेको बताएका छन्।
१५ औँ महाधिवेशनमा नेतृत्व चयनका लागि मतदान भइरहेका बेला थापाको प्यानल भन्दै उम्मेदवारको सूची बाँडिएको चर्चापछि शर्माले त्यसलाई फेक भनेका हुन्।
उनले आफूहरूले कुनै प्यानल नबनाएको स्पष्ट पार्दै सभापति र आफ्नो नजरमा सबै उम्मेदवार समान रहेको बताएका छन्।
यसअघि सभापतिका उम्मेदवार गगन थापाले पनि आफ्नो नाम जोडेर प्रचार गरिएका सूची आधिकारिक नभएको स्पष्ट पारिसकेका छन्।
