विराटनगर- दुर्गा प्रसाईंले नयाँ राजनीतिक दल ‘नेपाल पथ दल’ दर्ताको प्रमाणपत्र पाएका छन्। निर्वाचन आयोगले उनको दललाई दर्ताको प्रमाणपत्र दिएको हो।
प्रसाईंले यसअघि ‘नागरिक बचाउ दल’ नामबाट अघि बढाएको अभियानको नाम परिवर्तन गरी ‘नेपाल पथ दल’ कायम गरेका हुन्।
आगामी मंसिर ७ गते झापाको दमकमा पार्टीको औपचारिक घोषणा गर्ने तयारी गरिएको छ।
यसअघि प्रसाईंसँग मिलेर दल दर्ताको तयारी गरेका डा. धवलशमशेर राणाले भने ‘जय नेपाल पार्टी’ दर्ता गराइसकेका छन्।
