विराटनगर- इटहरीमा युवालाई व्यावहारिक सीप प्रदान गर्दै रोजगारीका अवसरसँग जोड्ने उद्देश्यले ‘सीप तथा रोजगार मेला-२०८३’ सुरु भएको छ।
युवा, श्रम तथा रोजगार मन्त्रालयको आयोजनामा सुरु भएको मेलाको उद्घाटन प्रतिनिधिसभाका सभामुख डोलप्रसाद अर्यालले गरेका हुन्। मेला असोज २० गतेसम्म सञ्चालन हुनेछ।
मेलामा उद्योग, सेवा, कृषि, निर्माणलगायत विभिन्न १० विधा समेटेर ६५ वटा स्टलहरु राखिएका छन् । युवाको सीप पहिचान, सीप प्रोफाइलिङ, रोजगार मिलान तथा तालिमसम्बन्धी सूचना र परामर्श सेवा उपलब्ध गराइनेछ ।
उद्घाटन समारोहमा सभामुख अर्यालले बजारको मागअनुसार सीप विकास गरी युवालाई रोजगारी खोज्ने मात्र नभइ रोजगारी सिर्जना गर्न सक्ने जनशक्तिका रूपमा विकास गर्नुपर्ने बताए ।
मेलाअन्तर्गत असोज १९ गतेसम्म विभिन्न १० विषयमा पाँचदिने व्यवसायी तलिम सञ्चालन गरिने आयोजकले जनाएको छ।
