विराटनगर । जापानमा जारी २०औँ एसियन गेम्सअन्तर्गत पुरुष क्रिकेटमा नेपाल र जापानबीचको खेल वर्षाका कारण नतिजाविहीन भएको छ।
वर्षाका कारण ढिलो सुरु भएको खेल १५ ओभरमा घटाइएको थियो। टस हारेर पहिले ब्याटिङ गरेको नेपालले ४ विकेटको क्षतिमा १४९ रन बनायो।
सन्दिप जोराले ३२ बलमा ५७ र लोकेश बमले २२ बलमा ५२ रन बनाए।नेपालको इनिङ सकिएलगत्तै पुनः वर्षा भएपछि जापानको ब्याटिङ सुरु हुन सकेन।
यससँगै नेपाल समूह ‘ए’ को विजेता बन्दै क्वाटरफाइनलमा पुगेको छ।
अब नेपालले क्वाटरफाइनलमा श्रीलंकासँग खेल्नेछ। अफगानिस्तानले भारतको सामना गर्नेछ।
