सडकमा आएको भेलले बगाउँदा पोखरामा आमा–छोरीको मृत्य

काठमाडौं । कास्कीको पोखरामा सडकको नालीमा आएको भेलले बगाउँदा आमा–छोरीको मृत्यु भएको छ।

कास्कीका सहायक प्रमुख जिल्ला अधिकारी चित्राङ्गत बरालका अनुसार पोखरा महानगरपालिका–३० ढुंगेपाटनकी २६ वर्षीया सुष्मा दाहाल र उनकी २ वर्षीया छोरी रानीको भेलले बगाउँदा मृत्यु भएको हो।

शुक्रबार साँझ उनीहरू ग १३ प २८५९ नम्बरको स्कुटरमा बिरौटाबाट पृथ्वीचोकतर्फ जाँदै थिए। सडकमा स्कुटर साइड लगाएर झर्ने क्रममा बालिका रानीलाई सडकको नालीमा आएको भेलले अचानक बगाएको थियो।

छोरीलाई बचाउने क्रममा आमा सुष्मा पनि नालीमा पुगेकी थिइन्। त्यसपछि भेलले आमाछोरी दुवैलाई बगाएर करिब दुई किलोमिटर तल बिरौटासम्म पुर्‍याएको सहायक प्रमुख जिल्ला अधिकारी बरालले जानकारी दिए।

घटनापछि स्थानीय तथा सुरक्षाकर्मीले खोजी तथा उद्धारको प्रयास गरेका थिए। घटनाबारे थप विवरण आउन बाँकी छ।