विराटनगर । जेनजी आन्दोलनका क्रममा झुम्का कारागारबाट फरार भएका लागुऔषध मुद्दामा कैद भुक्तान गरिरहेका ३५ वर्षीय भूपाल राईलाई सुनसरी प्रहरीले धरानबाट पक्राउ गरेको छ।
धनकुटाको साँगुरीगढी गाउँपालिका–९ का राईलाई धरान उपमहानगरपालिका–११ स्थित सगरमाथा टोलबाट पक्राउ गरिएको प्रहरीले जनाएको छ।
प्रहरीका अनुसार लागुऔषध मुद्दामा कैद भुक्तान गरिरहेका राई जेनजी आन्दोलनका क्रममा झुम्का कारागारबाट फरार भएका थिए।
उनलाई पक्राउ गरी इलाका प्रहरी कार्यालय धरानमा ल्याइएको र झुम्का कारागार पठाउने प्रक्रिया भइरहेको छ।
