विराटनगर । नेपाल विद्युत् प्राधिकरणले पूर्वी नेपालका केही जिल्लामा शनिबार १२ घण्टासम्म विद्युत् सेवा अवरुद्ध हुने जनाएको छ।
प्राधिकरणका अनुसार शनिबार बिहान ४ बजेदेखि दिउँसो ४ बजेसम्म विद्युत् आपूर्ति बन्द रहनेछ।
यसबाट झापा, इलाम, पाँचथर र ताप्लेजुङका सम्पूर्ण क्षेत्र प्रभावित हुनेछन् भने मोरङको उर्लाबारी, पथरी तथा आसपासका क्षेत्रमा पनि विद्युत् सेवा अवरुद्ध हुनेछ।
मोरङस्थित केरौन १३२र३३ केभी सबस्टेसन परीक्षण र प्रसारणलाइनको कामका कारण विद्युत् आपूर्ति बन्द गरिने प्राधिकरणले जनाएको छ।
