विराटनगर । सिन्धुलीको फिक्कल गाउँपालिका–२, नवलपुर नजिक मध्यपहाडी राजमार्गमा बससँग ठोक्किएपछि एउटा कार सुनकोशी नदीमा खसेको छ।
प्रारम्भिक जानकारीअनुसार दुर्घटनाग्रस्त कारमा चार जना सवार रहेको अनुमान गरिएको छ। दुर्घटनापछि स्थानीयवासी, प्रहरी तथा उद्धार टोली घटनास्थलतर्फ परिचालित भएका छन्।
फिक्कल गाउँपालिकाका उपाध्यक्ष राजु बरालका अनुसार उक्त कार मध्यपहाडी राजमार्ग निर्माण कार्यमा संलग्न कन्ट्र्याक्टरसहितका व्यक्तिहरू बोकेर गइरहेको थियो।
घटनाबारे थप विवरण संकलन भइरहेको र उद्धार कार्य जारी रहेको उनले जानकारी दिए।
प्रहरीका अनुसार दुर्घटनाको कारण तथा कारमा सवार व्यक्तिहरूको अवस्थाबारे विस्तृत विवरण आउन बाँकी छ।
