काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले तराई–मधेश र कोशी प्रदेशमा पछिल्ला दिनमा विकसित सुरक्षा अवस्था तथा तनावबारे छलफल गर्न पार्टीका सांसदहरूको आपत्कालीन बैठक बोलाएका छन्।
सिंहदरबारस्थित रास्वपा संसदीय दलको कार्यालयमा आज साँझ पौने ५ बजे बस्ने बैठकमा मधेश र कोशी प्रदेशबाट प्रतिनिधित्व गर्ने सबै सांसदलाई अनिवार्य उपस्थितिका लागि विशेष निर्देशनसहित सर्कुलर गरिएको छ।
सुनसरीको देवानगञ्ज–कप्तानगञ्ज घटनापछि कोशी र मधेश प्रदेशका विभिन्न जिल्लामा फैलिएको तनाव, प्रदर्शन तथा विकसित राजनीतिक अवस्थाबारे बैठकमा विस्तृत छलफल हुने जनाइएको छ।
रास्वपा संसदीय दलका अनुसार बैठकमा सभापति लामिछानेले सांसदहरूलाई पछिल्लो परिस्थितिबारे विशेष निर्देशन, मार्गदर्शन तथा अपील गर्ने कार्यक्रम रहेको छ।
