विराटनगर । समस्याग्रस्त सहकारी व्यवस्थापन समितिको कार्यालयले ऋणी सम्पर्कमा नआए वा नियमानुसार ऋण नतिरे जमानीकर्ता तथा तोकिएका नातेदारहरूको समेत बैंक खाता रोक्का गरिने भएको जनाएको छ ।
समितिले जारी गरेको १२ बुँदे सार्वजनिक सूचनामा ऋणीले नियमानुसार ऋण नतिरेमा वा सम्पर्कमा नआएमा ऋण चुक्ता गर्ने सम्पूर्ण दायित्व जमानीकर्ताको हुने र ऋण असुल नभएसम्म दुवैको बैंक खाता रोक्का रहने उल्लेख छ।
सतिका अनुसारमि समस्याग्रस्त सहकारीबाट लिइएको ऋणको ब्याज वा हर्जाना मिनाहा गर्ने अधिकार उसलाई छैन।
त्यसैले ब्याज तथा हर्जाना छुट माग गर्दै परेका निवेदनमाथि कुनै कारबाही नहुने जनाइएको छ।ऋणको ब्याज र हर्जाना गणना गर्दा २०७६ साउन १ गतेदेखि १६ प्रतिशतका दरले र सोभन्दा अघिको हकमा तमसुकमा उल्लेख भएबमोजिम हुनेछ । तिर्न बाँकी ब्याजको ५ प्रतिशत हर्जाना लाग्नेछ ।
