विराटनगर । पूर्वाधार विकासमन्त्री सुनिल लम्साल कर्णाली प्रदेशका सडक तथा पूर्वाधार आयोजनाको स्थलगत अनुगमनमा जुटेका छन्।
एक सातादेखिको भ्रमणका क्रममा उनले सुर्खेत, दैलेख, कालीकोट, जुम्ला, मुगु हुँदै हुम्लासम्म पुगेर कर्णाली राजमार्ग, सडक, पुल, खानेपानी, सिँचाइ र विद्यालयका भौतिक संरचनाको निरीक्षण गरेका छन्।
अनुगमनका क्रममा मन्त्री लम्सालले स्थानीय जनप्रतिनिधि, निर्माण व्यवसायी र नागरिकसँग छलफल गर्दै पूर्वाधार विकाससम्बन्धी आवश्यकता र सुझाव सङ्कलन गरेका छन्।
स्थानीयले सडक सञ्जाल विस्तार, कर्णाली राजमार्ग स्तरोन्नति, पुल, खानेपानी, सञ्चार र सिँचाइलाई प्राथमिकतामा राख्न माग गरेका छन्।
