विराटनगर । विश्वकप सेमिफाइनलमा इंग्ल्यान्डलाई २–१ ले पराजित गर्दै फाइनलमा पुगेपछि अर्जेन्टिनाका खेलाडीहरूले फल्कल्याण्ड टापु माथि आफ्नो देशको दाबी समर्थन गर्ने ब्यानर प्रदर्शन गरेका छन्।
उक्त घटनापछि अर्जेन्टिनी फुटबल संघमाथि फिफाले अनुशासनात्मक कारबाही गर्न सक्ने सम्भावना बढेको छ।
खेल समाप्तिपछि अर्जेन्टिनाका खेलाडीहरूले फल्कल्याण्ड टापु अर्जेन्टिनाकै हो लेखिएको ब्यानर प्रदर्शन गर्दै जितको उत्सव मनाएका थिए।दक्षिण–पश्चिम एटलान्टिक महासागरमा रहेको फल्कल्याण्ड टापु बेलायतको विदेशी क्षेत्र भए पनि अर्जेन्टिनाले यसमाथि आफ्नो सार्वभौम अधिकार दाबी गर्दै आएको छ।
फिफाले यसअघि पनि सन् २०१४ मा यस्तै राजनीतिक सन्देश भएको ब्यानर प्रदर्शन गरेको भन्दै अर्जेन्टिनी फुटबल संघलाई २० हजार पाउन्ड जरिवाना गरेको थियो।
खेलअघि भने मुख्य प्रशिक्षक लियोनेल स्कालोनीले फुटबल र राजनीतिलाई मिसाउन नहुने बताएका थिए।
