विराटनगर । युएई सरकारले ईद अल–अधा २०२६ को अवसरमा १११ जना नेपाली कैदीबन्दीलाई शाही आममाफी प्रदान गरेको छ।
यस निर्णयप्रति नेपाल सरकारले कृतज्ञता व्यक्त गरेको छ।
परराष्ट्र मन्त्रालयले मंगलबार जारी गरेको विज्ञप्तिमा युएई सरकारको यस सदाशयपूर्ण कदमलाई नेपाल र युएईबीचको मैत्रीपूर्ण द्विपक्षीय सम्बन्ध, आपसी विश्वास र हार्दिकताको प्रतीकका रूपमा उच्च मूल्याङ्कन गरिएको जनाएको छ।
मन्त्रालयका अनुसार आबुधाबीस्थित नेपाली दूतावासको अनुरोधपछि युएई सरकारले शाही आममाफीको निर्णय गरेको हो।
माफीप्राप्त नेपाली नागरिक, अन्य कुनै विचाराधीन कानुनी मुद्दा वा यात्रा प्रतिबन्ध नभएको अवस्थामा, युएईको प्रचलित कानुनबमोजिम आवश्यक कानुनी तथा प्रशासनिक प्रक्रिया पूरा गरेपछि नेपाल फर्कन सक्नेछन् ।
