विराटनगर ।धनकुटाका १९ जना नेपाली कांग्रेसका नेता तथा कार्यकर्ताले पार्टीको साधारण सदस्यसमेत नरहने गरी पार्टी परित्याग गरेका छन्।
पार्टी परित्याग गर्नेमा पूर्व संविधानसभा सदस्य तथा कांग्रेस महासमिति सदस्य अञ्जना ताम्ली, कांग्रेस कोशी प्रदेश सदस्य मिना राईले कांग्रेस केन्द्रीय समितिलाई पत्र लेख्दै पार्टीमा बसेर काम गर्ने वातावरण नरहेको र पछिल्ला समयका वैचारिक मतभेदका कारण पार्टी छाड्नुपरेको उल्लेख गरेका छन् ।
पार्टी परित्याग गरेका नेताहरूले तत्काल कुन राजनीतिक दलमा आबद्ध हुने भन्नेबारे भने कुनै औपचारिक घोषणा गरेका छैनन्।
यद्यपि, उनीहरू हर्क साम्पाङ राई नेतृत्वको श्रम संस्कृति पार्टीमा आबद्ध हुन सक्ने चर्चा भइरहेको छ।
