चितवन ।चितवनमा जंगली हात्तीको आक्रमणपछि आगलागी हुँदा आमा र उनका बालक छोराको मृत्यु भएको छ। शनिबार राति करिब ११ बजे भरतपुर महानगरपालिका–२३ बेलहट्टास्थित स्थानीय पूर्ण बोटेको कच्ची घरमा हात्तीले आक्रमण गर्दा घर भत्किन थालेको थियो। सो क्रममा घरमा सुतिरहेकीआशिका बोटे(२५) र उनका ४ वर्षीय छोरा भरत बोटेको ज्यान गएको हो।
भरतपुर महानगरपालिका–२३ का वडाध्यक्षल दीपक दवाडीका अनुसार हात्तीले घर भत्काउन थालेपछि पूर्ण बोटेले हात्ती धपाउनका लागि आगो बाल्ने प्रयास गरेका थिए। सोही क्रममा कच्ची घरमा आगो सल्किएको प्रहरीले जनाएको छ।
स्थानीयवासी र प्रहरीको सक्रियतामा आगो नियन्त्रणमा लिइएको थियो। घटनापछि शनिबार राति नै चितवन राष्ट्रिय निकुञ्ज कार्यालय, स्थानीय जनप्रतिनिधि, नयाँ गोरखा गण, मध्यवर्ती उपभोक्ता समिति र प्रहरी टोलीबीच छलफल भएको थियो।
