विराटनगर । नेपाल औषधि व्यवसायी संघ काठमाडौँले आधिकारिक थोक विक्रेता बाहेक अन्य कुनैपनि व्यक्ति वा माध्यमबाट आएका औषधिहरू खरिद तथा बिक्री नगर्न खुद्रा औषधि व्यवसायीलाई आग्रह गरेको छ ।
संघले व्यावसायिक सूचना जारी गर्दै औषधि गुणस्तर, सुरक्षित आपूर्ति प्रणाली, सेवाग्राहीको स्वास्थ्य सुरक्षालाई मध्येनजर गर्दै संघले आधिकारिक थोक विक्रेताबाट मात्रै औषधि खरिद तथा विक्री गर्न आग्रह गरेको हो ।
औषधि व्यवसाय केवल व्यापार नभई जनस्वास्थ्यसँग प्रत्यक्ष जोडिएको संवेदनशील सेवा भएकाले जिम्मेवार र नैतिक रूपमा व्यवसाय सञ्चालन गर्नु अत्यावश्यक रहेको स्रंघले जनाएको छ ।
