काठमाडौं । कपिलवस्तुमा पंखाको तार जोड्ने क्रममा करेन्ट लाग्दा एक जनाको मृत्यु भएको छ।
मृत्यु हुनेमा कपिलवस्तुको मायादेवी गाउँपालिका–७ रतनपुर निवासी ३२ वर्षीय रमेश यादव रहेका छन्।
प्रहरीका अनुसार आफ्नै घरमा पंखाको तार जोड्ने क्रममा उनलाई करेन्ट लागेको थियो। गम्भीर घाइते भएका यादवलाई उपचारका लागि जिल्ला अस्पताल तौलिहवा लगिएको थियो। उपचारकै क्रममा बिहीबार राति उनको मृत्यु भएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।
