विराटनगर।आफ्नै गाडीको कालो सिसा हटाउन गृहमन्त्रीको निर्देशनगृहमन्त्री सुधन गुरुङले सार्वजनिक तथा निजी सवारीसाधनमा गैरकानुनी रूपमा राखिने कालो सिसाविरुद्ध अभियानलाई कडाइका साथ अघि बढाउन निर्देशन दिएका छन् ।
काठमाडौँ उपत्यका ट्राफिक प्रहरी कार्यालयको निरीक्षणका क्रममा उनले कानुन सबैका लागि समान हुनुपर्ने भन्दै आफ्नै गाडीको कालो सिसासमेत हटाउन लगाएर निर्देशन दिएका हुन् ।
उनले भने, ‘नियम सर्वसाधारणलाई मात्र होइन, मन्त्रीलाई पनि लाग्नुपर्छ । मेरो गाडीमा जडान भएको कालो सिसा पनि तुरुन्तै हटाउनुस् ।’
उपत्यका ट्राफिक प्रहरी कार्यालयले असार १४ गतेदेखि उपत्यकाका सडकमा गुड्ने सार्वजनिक तथा निजी सवारीसाधनमा जडान गरिएका कालो सिसाका स्टिकर हटाउने विशेष अभियान सुरु गरिसकेको छ ।
