विराटनगर । नेपाल कम्युनिष्ट पार्टीका संयोजक पुष्पकमल दाहाल प्रचण्डले आफूलाई क्रमभंग गर्ने नेताको रूपमा स्वः चित्रित गरेका छन् ।
आज स्वर्गीय मदन भण्डारीको सम्झनामा आयोजित कार्यक्रममा उनले क्रमभंगको कुरा गर्दा उत्पात नै गर्न थाल्यो भन्ने टिप्पणी हुने गरेको पनि बताए
उनले भने,‘म विल्कुल हतारिएको छैन । हुन त मलाई मानिसहरूले विभिन्न कोणबाट हेर्दै विभिन्न चित्र बन्ने गरेको छ । मैले क्रमभंग भन्यो भने के उत्पात गर्न थाल्यो भन्छन् । यो त प्रकृति, समाज र मानव समाजको नियम हो, निरन्तरतामा क्रमभंग । मैले त्यही भन्ने गर्छु ।’
