विराटनगर ।अर्थमन्त्री स्वर्णिम वाग्लेले पेट्रोलियम पदार्थको मूल्य घट्ने बताएका छन्।
आज बसेको प्रतिनिधिसभाको बैठकमा मध्यपूर्वमा देखिएको युद्धका कारणले मूल्य वृद्धि भएपछि अब घट्ने बताएका हुन् ।
उनले भने, ‘मध्यपूर्वमा देखिएको समस्याका कारण इन्धनमा भएको मूल्यवृद्धिबाट आम उपभोक्तामा परेको भारलाई घटाउन म आफैँ अर्थमन्त्री भएको दुई हप्ता भित्रै यही दफा १८ लाई टेकेर डिजेल, पेट्रोल, मट्टितेलको पैठारीमा लाग्ने भन्सार महसुल र डिजेल तथा पेट्रोलमा लाग्ने पूर्वाधार विकास करको ५० प्रतिशत छुट हामीले दियौँ।’
उनले अहिले मध्यपूर्वको अवस्था सहज हुँदै गएको बताए।
