विराटनगर । ड्युटीमा खटिएका ट्राफिक प्रहरीले सेवाग्राही तथा चालक, सहचालकसँग हात मिलाउन नपाउने भएका छन् ।
ट्राफिक प्रहरीले चेकिङका क्रममा हात मिलाएको दृश्यहरूलाई लिएर सामाजिक सञ्जाल र आम नागरिकबाट विभिन्न गुनासोहरू आएको भन्दै कार्यालयले ट्राफिक युनिटलाई यसबारे निर्देशन दिएको हो।
चेकिङका क्रममा हात मिलाउँदा त्यसलाई शंकास्पद रूपमा हेरिने र व्यावसायिक मर्यादामा समेत प्रश्न उठ्ने गरेको भन्दै ट्राफिक प्रहरीले नमस्ते संस्कृतिलाई अनिवार्य बनाउन खोजेकाे हाे ।
