विराटनगर । राष्ट्रिय परीक्षा बोर्डले कक्षा १२ को नतिजा सार्वजनिक गरेकाे छ । आज बसेको बोर्डको बैठकले नतिजा सार्वजनिक गरेको हाे ।
परीक्षामा ३ लाख ३२ हजार २४१ जना परीक्षार्थी सहभागी भएका थिए । जसमध्ये ६४.१३ प्रतिशत परीक्षार्थी उत्तीर्ण भएको बोर्डले जनाएको छ ।
परीक्षाको मर्यादा विपरीत कार्य गर्ने कुल ४० जना परीक्षार्थीको परीक्षा रद्द गरिएको छ। जसमा नियमिततर्फका ३० जना र आंशिकतर्फका १० जना रहेका छन्।
कक्षा १२ को परीक्षा गत वैशाख १४ गतेदेखि भएको थियो ।
