विराटनगर । फ्रान्समा जारी जी–७ शिखर सम्मेलनका क्रममा अमेरिकी राष्ट्रपति डोनाल्ड ट्रम्प र भारतीय प्रधानमन्त्री नरेन्द्र मोदीबीच द्विपक्षीय भेटवार्ता भएको छ।
भेटवार्तापछि पछिल्लो समय केही चिसिएको अमेरिका–भारत सम्बन्धमा सुधार आउने संकेत देखिएको छ।भेटका क्रममा राष्ट्रपति ट्रम्पले आगामी दिनमा आफूले भारतको भ्रमण गर्ने प्रतिबद्धता जनाएका छन्।
उनले भारत र अमेरिका व्यापारिक सम्झौताको नजिक पुगेको समेत उल्लेख गरे।
गत वर्ष राष्ट्रपति ट्रम्पले भारतमाथि भन्सार शुल्क लगाउने घोषणा गरेपछि यी दुई शक्ति राष्ट्रबिचको सम्बन्धमा तनाव उत्पन्न भएको थियो।
त्यसपछि ओमानको खाडीमा अमेरिकी सैन्य कारबाहीका क्रममा तीन भारतीय नाविकको मृत्यु भएको घटनाले सम्बन्धलाई थप जटिल बनाएको थियो।
