विराटनगर । नेपाली कांग्रेसका निवर्तमान सभापति शेरबहादुर देउवा र नेता डा. शेखर कोइराला समूहको संयुक्त कोशी प्रदेशस्तरीय भेला आज विराटनगरमा हुँदैछ।
मनास्लु होटलमा हुने भेलामा डा. शेखर कोइराला प्रमुख अतिथि रहनेछन् भने कृष्णप्रसाद सिटौला, विजयकुमार गच्छदार, डा. शशांक कोइराला, डा. मिनेन्द्र रिजाल, बलबहादुर केसी र एनपी साउद प्रमुख वक्ताका रूपमा सहभागी हुनेछन्।
कांग्रेस कोशी प्रदेशका महामन्त्री भुपेन्द्र राईका अनुसार दुवै समूहबीचको सहकार्य कोशीबाट सुरु गर्न लागिएको हो। यसअघि देउवा समूहका प्रदेश भेलामा कोइराला समूह सहभागी भएको थिएन।
यता, इतर समूहले केन्द्रीय सदस्य राजीव कोइरालाको नाम पनि वक्ताका रूपमा प्रचार सामग्रीमा राखेपछि उनले पूर्वसल्लाहबिना नाम समावेश गरिएको भन्दै असन्तुष्टि जनाएका छन्।
