विराटनगर । सशस्त्र प्रहरीको टोली बाजुरा र हुम्लाको सीमावर्ती विवादित क्षेत्र लाम्पाटा पुगेको छ। जेठ २७ गते त्यसतर्फ प्रस्थान गरेको टोली शनिबार उक्त स्थानमा पुगेको हो।
सशस्त्र प्रहरी बलका सह–प्रवक्ता डीएसपी शैलेन्द्र थापाका अनुसार बेसमा खटिएको टोलीलाई प्रधान कार्यालयबाट आवश्यक निर्देशन र समन्वय प्रदान गरिनेछ।
केही दिनयता सो क्षेत्र अशान्त बनेको थियो ।
शुक्रबार गृह मन्त्रालयमा बसेको केन्द्रीय सुरक्षा समितिको बैठकले दुई जिल्लाको सीमा स्थित बाजुराको हिमाली गाउँपालिका वडा नम्बर–३ लाम्पाटामा नेपाल प्रहरी र सशस्त्रको ‘केन्द्रीय संयुक्त सुरक्षा बेस’ राख्ने निर्णय गरेको थियो ।
