विराटनगर । विश्व बजारमा स्पेस एक्सको सबैभन्दा ठूलो आईपीओ खुल्दैछ ।
एलन मस्क नेतृत्वको अन्तरिक्ष तथा स्याटेलाइट कम्पनी स्पेसएक्सले करिब ७५ अर्ब डलर उठाउने लक्ष्यसहित आगामी ४ जुनदेखि रोडशो र ११ जुनदेखि बुक बिल्डिङ मार्फत प्रतिइकाइ १३५ अमेरिकी डलर मूल्य कायम गरी यो सेयर बिक्री गरिनेछ ।
कम्पनीले ‘एसपीसीएक्स’ टिकरमार्फत कारोबार गर्नेछ । स्पेसएक्सले करिब १।७५ ट्रिलियन डलर मूल्यांकनमा आईपीओ ल्याउन खोजेको छ।
यो सफल भएमा साउदी अरावको रेकर्ड तोड्दै इतिहासकै सबैभन्दा ठूलो आईपीओ बन्नेछ ।त्यस्तै नेपालबाट प्रत्यक्ष विदेशी सेयर बजारमा लगानी गर्न पाउने नीतिगत व्यवस्था नै छैन ।
त्यसैले कानुनी रुपमा यो आईपीओमा लगानी संभावना छैन । तर विदेशमा रहेका नेपालीहरूले भने त्यही देशको नियम अनुसार लगानी गर्न सक्नेछन् ।
