विराटनगर । नेपाल एसियन गेम्स पुरुष क्रिकेट छनोट प्रतियोगितामा ओमानलाई ८ विकेटले पराजित गर्दै फाइनलमा पुगेको छ ।
सिंगापुरमा नेसनल क्रिकेट मैदानमा भएको पहिलो सेमिफाइनलमा ओमानले दिएको ९५ रनको लक्ष्य नेपालले दुई विकेटको क्षतिमा ६४ बल बाँकी हुँदै नौ ओभर दुई बलमा पूरा गरेको हो ।
नेपालका लागि लोकेस बमले २६ बलको सामना गर्दा ७ चौका र एक छक्काको मद्दतमा नटआउट ४४ रन बनाएका हुन् ।
रोहित पौडेलले नटआउट २० बलमा २१ रन बनाए । ओपनर कुशल भुर्तेलले २० रन बनाउँदा आशिफ शेख १ रनमा आउट भए ।
टस जितेर सुरुमा ब्याटिङ गरेको ओमानलाई नेपालले १९ ओभर ४ बलमा ९४ रन बनाउँदा अलआउट गरेको थियो ।
