पर्वत । पर्वत जिल्लाको कुश्मा नगरपालिका–१४ आर्थरडाँडाखर्कमा गएराति भएको जिप दुर्घटनामा एक जनाको मृत्यु भएको छ भने दुई जना घाइते भएका छन्।
जिल्ला प्रहरी कार्यालय पर्वतका सूचना अधिकारी दिनेश पौडेलका अनुसार वडा कार्यालयबाट चरीपानीतर्फ जाँदै गरेको ग१ज ५८६५ नम्बरको जिप अँधेरीनेटा भन्ने स्थानमा दुर्घटना भई सडकबाट करिब पाँच सय मिटर तल खसेको थियो।
दुर्घटनामा केशवराज पौडेलको मृत्यु भएको छ। ५२ वर्षीय पौडेलको टाउको र शरीरका विभिन्न भागमा गम्भीर चोट लागेको थियो। उपचारका लागि पोखरा लगिए पनि चिकित्सकले मृत घोषणा गरेका थिए।
दुर्घटनामा जिप चालक २७ वर्षीय बुद्धिसागर पौडेल र ४६ वर्षीय राजेन्द्र पौडेल घाइते भएका छन्।
घाइते दुवै जनाको मणिपाल शिक्षण अस्पतालमा उपचार भइरहेको प्रहरीले जनाएको छ।
