विराटनगर । नेपाली कांग्रेसका नेता नैनसिंह महरले फुटेर नभई जुटेर नै कांग्रेस र देश बलियो हुने धारणा राखेका छन् ।
सुदूरपश्चिम प्रदेशद्वारा आज धनगढीमा आयोजित बृहत् एकता तथा जागरण कार्यक्रममा उनले कांग्रेस कुनै सामान्य राजनीतिक दल मात्र नभएर लोकतन्त्र, त्याग, बलिदान र जनताको आशाको केन्द्र भएको उल्लेख गर्दै पार्टीभित्र बृहत् एकताका साथ १५ औँ महाधिवेशनमा होमिनुको विकल्प नभएको स्पष्ट पारे।
कांग्रेस केवल चुनाव जित्ने संगठन मात्र नभई लोकतन्त्र बचाउन हजारौँ मानिसले जेल बसेको, रगत बगाएको र बलिदान दिएको आन्दोलनको विरासत भएको उनले बताए ।
