कृष्णकुमार कार्की सोमबार एकाएक चर्चामा आएका छन्। राष्ट्रिय स्वतन्त्र पार्टीका मोरङ–२ बाट निर्वाचित सांसद कार्कीबारे नाइजेरियाकी एक युवतीलाई गर्भवती बनाएर अलपत्र पारेको आरोपसहित समाचार सार्वजनिक भएपछि राजनीतिक वृत्तमा चर्चा चुलिएको हो।
समाचार सार्वजनिक हुनुअघि नै उनी तनावमा रहेको चर्चा भइरहेका बेला सोमबारको प्रतिनिधिसभा बैठकमा उनको अनुपस्थिति पनि चासोको विषय बनेको छ।
त्यसै दिन हर्कराज राई नेतृत्वको श्रमसंस्कृति पार्टीका सांसदहरूले संसद्भित्र पर्चासहित प्रदर्शन गर्दै रोस्ट्रम घेरेका थिए। प्रदर्शनप्रति असन्तुष्टि जनाउँदै सभामुख डोलप्रसाद अर्याल ले मर्यादा पालना गर्न आग्रह गर्दै घुमाउरो शैलीमा कारबाहीको चेतावनी दिएका थिए।
आकस्मिक समयमा कृपाराम राना ले सुशासनको नारा दिने रास्वपा नेतृत्वको सरकारमाथि आलोचना गर्दै कञ्चनपुरको एक घटनालाई उदाहरणका रूपमा प्रस्तुत गरेका थिए। त्यसपछि बोल्ने पालो कार्कीको रहे पनि उनी बैठकमा उपस्थित थिएनन्।
