काठमाडौँ– संघीय संसदअन्तर्गत प्रतिनिधिसभाको बैठक आज पनि बस्दैछ । बैठक बिहान ११ बजे सिंहदरबारमा बस्नेछ । बैठकमा सरकारको आगामी आर्थिक वर्षको नीति तथा कार्यक्रममाथि छलफल हुने कार्यसूची रहेको छ ।
आजको बैठकमा प्रधानमन्त्री बालेन्द्र शाहले राष्ट्रपति रामचन्द्र पौडेलले गत सोमबार संघीय संसदको संयुक्त सदनमा प्रस्तुत गरेको आर्थिक वर्ष २०८३/०८४ को नीति तथा कार्यक्रममाथि छलफल प्रारम्भ गरियोस् भन्ने प्रस्ताव पेश गर्नेछन् ।
त्यसैगरी, बैठकमा नीति तथा कार्यक्रममाथि उठेका प्रश्नहरूको प्रधानमन्त्री शाहले जवाफ दिने कार्यसूची पनि रहेको छ ।
यस्तै, आर्थिक वर्ष २०८३/०८४ को वार्षिक नीति तथा कार्यक्रममाथि प्राप्त संशोधन प्रस्तावहरू निर्णयार्थ प्रस्तुत गरिनेछ ।
सभामुखले सरकारको वार्षिक नीति तथा कार्यक्रमलाई निर्णयार्थ संसदमा प्रस्तुत गर्ने कार्यसूचीसमेत तय गरिएको छ ।
