शारदा सेकेण्डरी बोर्डिङ स्कुलले एसइई २०८२ मा उत्कृष्ट नतिजा हासिल गर्दै फेरि आफ्नो शैक्षिक गुणस्तर प्रमाणित गरेको छ। विद्यालयले यस वर्ष शतप्रतिशत नतिजा हासिल गर्न सफल भएको जनाएको छ।
मोरङको झोराहाट स्थित विद्यालयका विद्यार्थीहरूले यस वर्ष पनि विगतझै उल्लेखनीय सफलता हासिल गरेका हुन्। विद्यालयका अनुसार ३.३२ देखि ३.६० जिपिएसम्म ९ जना तथा ३.६० देखि ४.०० जिपिएसम्म १७ जना विद्यार्थी उत्तीर्ण भएका छन्। विद्यार्थी नारायण लुईटेलले ४.०० जिपिए प्राप्त गर्दै विद्यालयको गौरव बढाएका छन्।
विद्यालयका प्रिन्सिपल संजय कुमार मण्डलले सफल विद्यार्थी, अभिभावक, शिक्षक, कर्मचारी तथा सञ्चालक समितिलाई हार्दिक बधाई ज्ञापन गर्दै उच्च शिक्षाको यात्राका लागि शुभकामना व्यक्त गरेका छन्।
उनले विद्यालयले विगतदेखि नै गुणस्तरीय शिक्षामा विशेष जोड दिँदै आएको उल्लेख गर्दै उत्कृष्ट नतिजा त्यसकै प्रतिफल भएको बताए। साथै सफलताका लागि योगदान पुर्याउने सम्पूर्णप्रति आभारसमेत व्यक्त गरेका छन्।
