विराटनगर । पश्चिम बंगालमा भारतीय जनता पार्टीका शुभेन्दु अधिकारी पहिलो मुख्यमन्त्री बनेका छन्। शनिबार बंगालका राज्यपाल आरएन रविले शुभेन्दुलाई शपत गराएका हुन् ।
शपथ ग्रहण समारोहमा प्रधानमन्त्री नरेन्द् मोदीका साथै गृहमन्त्री अमित शाह र एनडीए र भाजपा शासित राज्यका २० जना मुख्यमन्त्री उपस्थित थिए। हालै भएको विधानसभा चुनावमा बहुमत ल्याउँदै भाजपाले ममता बनर्जीको १५ वर्षे शासन ढालेर पश्चिम बंगालमा पहिलोपटक सरकार गठन गरेको हो।
यसअघि ममताको पार्टी तृणमूल कंग्रेस टीएमसी लगातार ३ कार्यकालदेखि पश्चिम बंगालको सत्तामा थियो।
यही मे ४ मा घोषित विधानसभा चुनावको नतिजाअनुसार भाजपाले पश्चिम बंगालका २९४ क्षेत्रमध्ये २०७ स्थानमा जितेर ऐतिहासिक सफलता प्राप्त गरेको हो। तत्कालीन मुख्यमन्त्री ममताको पार्टी टीएमसी भने ८० सिटमा खुम्चिएको छ।
