विराटनगर । सरकारले विभिन्न मुलुकमा कार्यरत १५ जना अवैतनिक दूतलाई पदमुक्त गर्ने निर्णय गरेको छ।
आज बसेको मन्त्रिपरिषद् बैठकले परराष्ट्र मन्त्रालयको प्रस्तावका आधारमा उक्त निर्णय गरेको हो।
सरकारका प्रवक्ता सस्मित पोखरेलले विदेशस्थित अनररी कन्सुलर जनरल तथा कन्सुलरको जिम्मेवारीमा रहेका १५ जनालाई पदमुक्त गर्ने निर्णय मन्त्रिपरिषद्ले गरेको जानकारी दिए।
सरकारले पदमुक्त गरिएका व्यक्तिहरूको नाम तथा उनीहरू कार्यरत रहेका मुलुकबारे भने औपचारिक विवरण सार्वजनिक गरेको छैन।
